በኆኀተ ብርሃን ቅድስት ማርያም ቤተክርስቲያን ልዩ ልዩ ዓመታዊ ዝግጅቶች ይደረጋሉ። አንደኛ በድምቀት ከሚከበሩ በዓላት መካከል የመስቀል ፣ ፈለገ ሚናስ የህጽናት በዓል እንደዚሁም አጋፔ የፍቅር ማዕድ ጥቂቶቹ ናቸው። የመስቀል በዓል ቹኑቾን ተብላ በምትታወቅ የደቡብ ኮሪያ ከተማ በተለየ ስሙ ኢትዮጵያ ቤት በመባል የሚታወቅ አደባባይ ላይ በየዓመቱ ይከበራል። ሁለተኛ በቤተ ክርስቲያኒቱ አስተባባሪነት ፈለገ ሚናስ በመባል የሚታወቅ ዓመታዊ የህጻናት በዓል ይዘጋጃል። ሦስተኛ የአጋፔ መርሀ ግብር የተጀመረ ሲሆን ምእመናን ከልዩ ልዩ የሀገሪቱ ክፍሎች በአንድ ስፍራ ተገናኝተው ማዕድን የሚጋሩበት ስለ ቤተ ክርስቲያና ማኅበራዊ ሕይወታቸው በተመለከተ የሚወያዩበት በዓል ነው። እነዚህንና የመሳሰሉትን በዓላት ምእመናን በቃለ እግዚአብሔር የሚታነጹባቸው ፣ አብሮነታቸውን የሚያጠናክሩባቸው በተለይ ደግሞ ህጻናት የሀገራቸው ባህልንና ቋንቋን የሚያውቁባቸው እንደዚሁም እርስ በእርሳቸው የሚተዋወቁባቸው በዓላት ናቸው። የከበረውንና ጥንታዊውን የቤተክርስቲያናችንን ሥርዓት እንዲሁም የማኅበረሰባችንን ፍቅር በእነዚህ ትልቅ ትርጉም ባላቸው መንፈሳዊ በዓላት ላይ እንዲገኙ እንጋብዛለን።